O Líbano en 8 mm
MOSTRA DE CINEMA EUROÁRABE
PATROCINA XUNTA DE GALICIA
Axencia Galega das Industrias Culturais
Do 25 ao 28 de novembro
Hotel Eurostars Araguaney, Compostela
A Mostra de Cine Euroárabe “O Líbano en 8 mm” é un proxecto da Fundación Araguaney - Puente de Culturas. Unha entidade sen ánimo de lucro que nace en Santiago de Compostela en 1984 e que ten a misión de achegar as culturas de Oriente e Occidente e, en concreto, entre o mundo árabe, América Latina e España.
Esta mostra de filmes as distintas realidades sociais do Líbano, tendo en conta o conflito aberto que acontece no sur do país a partir da evolución da guerra en Oriente Próximo.
O obxectivo da mostra é aproximar a cultura árabe e libanesa á sociedade galega a través do cine, ofrecendo unha visión ampla e multidimensional da súa realidade heteroxénea. Un proxecto que hoxe é máis necesario ca nunca, porque o coñecemento do ‘outro’ trae entendemento e respecto, dous elementos clave para avanzar na tolerancia e no progreso entre os pobos e que o proxecto “O Líbano en 8 mm” canaliza a través da cultura audiovisual.
A Fundación Araguaney - Puente de Culturas converteuse ao longo destas catro décadas nun referente da vangarda audiovisual e do debate social en Galicia, así como nun exemplo de integración cultural. Entre as actividades que organiza destacan a Semana de Cine Euroárabe Amal -a máis antiga de Europa- e a Mostra de Cine Latinoamericano Araguaney-LATAM. Desde 2008 é membro da Alianza Global para a Diversidade Cultural da UNESCO.
-
Entrada de balde ata completar aforo.
-
Indispensable confirmar asistencia no enderezo info@fundacionaraguaney.org (nome + teléfono)
%202.jpg)
Luns 25 de novembro | 20:00 h.
Salón Olivo. Hotel Eurostars Araguaney, Compostela
1982 (FIC)
Oualid Mouaness
2019 | O Líbano, Noruega, Francia, Qatar | 100’
O Líbano, verán de 1982. Nas aforas de Beirut, a vida permanece en calma tensa mentres se escoitan explosións e disparos. Con este escenario bélico de fondo, Wissam, un neno de 11 anos, busca unha oportunidade para confesarlle o seu amor a unha compañeira de clase.
Martes 26 de novembro | 20:00 h.
Salón Olivo. Hotel Eurostars Araguaney, Compostela
COSTA BRAVA, LEBANON (FIC)
Mounia Akl
2021 | O Líbano | 106’
Os Badri fuxiron de Beirut para construir unha utopía lonxe da polución e a conflitividade da gran urbe. Neste oasis de resistencia ao capitalismo global, a familia é ameazada polos avances dun vertedoiro próximo que evidencia as gretas internas da familia.
Mércores 27 de novembro | 20:00 h.
Salón Olivo. Hotel Eurostars Araguaney, Compostela
DANCING ON THE EDGE OF A VOLCANO (DOC)
Cyril Aris
2023 | O Líbano, Alemaña | 87’
4 de agosto de 2020, unha explosión no porto de Beirut devasta gran parte da cidade. Afectados pola catástrofe, un equipo de rodaxe libanés continúa filmando a súa película como símbolo de resistencia nunha nación que loita contra o colapso económico e social.
Xoves 28 de novembro | 20:00 h.
Salón Olivo. Hotel Eurostars Araguaney, Compostela
CAPHARNAÜM (FIC)
Nadine Labaki
2018 | O Líbano, Francia | 126’
Zain, un neno de doce anos intelixente e valente, sobrevive aos perigos da cidade grazas ao seu enxeño. Fuxindo dos seus pais e facendo valer os seus dereitos, recorre á xustiza para demandalos polo ‘crime’ de darlle a vida.