O Ciclo cinema e dereitos da infancia, organizado pola Fundación Araguaney en colaboración coa Deputación da Coruña, presenta catro filmes, dúas ficcións e dous documentais nos que os protagonistas son os nenos e nenas esquecidos pola sociedade, que descoñece e ignora as dificultades, as trabas e as vulneracións ás que se enfrontan cada día.

A través destas catro pezas audiovisuais, preséntanse os diferentes problemas polos que atravesa a infancia máis vulnerable, como as consecuencias dos conflitos bélicos, os prexuízos, os abusos sexuais, a misoxinia ou o racismo. Estes filmes fannos reflexionar sobre cuestións reais e moi relevantes respecto aos dereitos da infancia, como a importancia da identidade, as segundas oportunidades, a protección e o papel da familia e da sociedade na educación.

Poñer no centro a infancia, ademais de facela visible, permítenos coñecer as súas necesidades para abordalas de maneira urxente, contribuíndo a garantir os seus dereitos e poñéndolle nome á súa problemática: a ausencia de dereitos e de liberdades en función da orixe dos nenos e nenas.

​

#ACULTURAÉUNDEREITO

​