O Conselleiro de Cultura e Turismo, D. Roberto Varela, inaugurará a exposición “Arte e Palabra pola Paz” o vindeiro 8 de xullo ás 20 horas na Fundación Araguaney – Puente de Culturas.

O obxectivo desta mostra é recadar fondos que se destinarán a proxectos solidarios co pobo palestino. Estes fondos empregaranse no programa “Vacacións Pola Paz”, correndo cos custes da estancia dun grupo dez nenos e nenas palestinos na nosa terra, e na construcción dun centro infantil no campo de refuxiados de Askar (Nablus).

No libro catálogo inclúense textos de relevantes autores a propósito do conflicto palestino-israelí como Xosé Luis Barreiro Rivas, Alain Gresh, Federico Mayor Zaragoza, Ilan Pappe, Maruja Torres, Suso de Toro, Miguel Angel Bastenier, Miguel Anxo Murado, Teresa Aranguren, Santiago Alba, Rosa Aneiros, Edith Chahín, Rafael Escudero, Abdul Hadi Sadoun, Sami Naïr, Ilan Pappe, Mohamed Safa e Hernán Zin.

Os artistas que doaron a súa obra á exposición son Silverio Rivas, Acisclo Manzano, Alfonso Costa, Álvaro de la Vega, Manuel Gallego, César Portela, Manuel Sendón, Rosá Úbeda, Ali Ali, Jose Mª Barreiro Gómez, Miguel Carballo, José Caruncho, Ramón Conde, Felipe Criado, Víctor López, Din Matamoro, María Meijide, Renata Otero, Jorge Peteiro, Marta Prieto, Chrysoula Reppani, Silveiro Rivas e Eduardo Valiña.