O día 24 ás 20:30 horas o programa de música Espazos Sonoros ofrecerá un concerto do Trio Joubran na Igrexa da Universidade. Esta actividade, organizada pola Consellería de Cultura e Turismo e na que colabora a Fundación Araguaney, sintetiza o valor do patrimonio histórico e do potencial artístico e creador do país mediante a programación de concertos en espazos de interese cultural.

Espazos Sonoros é un espazo aberto á creación artística que ofrece a oportunidade de prensentar as ideas e proxectos máis recentes. Deste xeito, a programación inclúe estreas absolutas de obras e produccións específicamente creadas para o marco do festival.

Permitirase entrada libre ata completar aforo.