Especialista en temas relacionados con intervencións militares e Cortes internacionais, o catedrático de Filosofía do Dereito na Facultade de Dereito da Universidade de Florencia Danilo Zolo (Rijeka, 1936) charlará cos xornalistas na Fundación Araguaney.
Cun extenso curriculum, Zolo, quen foi investigador e profesor invitado das Universidades de Cambridge, Harvard e Princeton, dá na actualidade cursos de doutoramento en universidades de Europa e América do Sur. Ademais, Zolo é coordinador do Centre for Philosophy of International Law and Global Politics.
Entre as súas obras máis destacadas atópanse 'Democracy and Complexity' (1992), 'Cosmópolis' (1995) ou 'I signori della pace. Una critica del globalismo giuridico” (1998), entre outros.